I. KAFLI
Almenn ákvæði.
1. gr.
Nafn félagsins er Búseti á Norðurlandi, húsnæðissamvinnufélag skammstafað Búseti á Norðurlandi hsf.
2. gr.
Heimili félagsins og varnarþing er á Akureyri en félagssvæði þess nær til Akureyrar, Norðurþings og nágrannabyggða á Norðurlandi, .
3. gr.
Allir sem búa á Akureyri, Norðurþingi, og/eða nágrannabyggðum á Norðurlandi - eða hyggjast búa þar, geta orðið félagsmenn í húsnæðissamvinnufélaginu. Félagsmenn teljast allir þeir sem greiða inntökugjald, fá félagsnúmer og greiða síðan árgjald til félagsins en upphæðir þeirra ákveður aðalfundur hverju sinni. Börn félagsmanna, undir [18] ára aldri, eru undanþegin árgjaldi. Þátttaka í félaginu er bundin við einstaklinga eða samtök fyrir hönd þeirra.
4. gr.
Markmið félagsins er:
Að auka jöfnuð í húsnæðismálum með því að afla félagsmönnum góðs og hagkvæms húsnæðis með því að byggja, kaupa, eiga og hafa yfirumsjón með rekstri íbúðarhúsnæðis sem félagsmönnum þess er látið í té sem félagslegar eða almennar kaupleiguíbúðir með búseturétti sem tryggir ótímabundin afnot af íbúðunum gegn kaupum á eignarhluta í þeim. Með sama hætti er félaginu heimilt að byggja, kaupa, eiga og reka húsnæði sem tengist starfsemi félagsins, svo sem þjónustu- og dvalarhúsnæði. Félaginu er heimilt að vinna að öðrum hagsmunamálum félagsmanna, enda fari það ekki í bága við lög eða samþykktir sem um það gilda.
Auk höfuðmarkmiða skv. 1. mgr. skal félagið:
a. Eiga aðild að fyrirtækjum með takmarkaðri ábyrgð eins og samvinnusamböndum samkvæmt lögum um samvinnufélög og hlutafélög enda starfi þau fyrirtæki að verkefnum sem teljast mikilvæg fyrir húsnæðis-samvinnufélög.
b.Útvega lán til byggingarframkvæmda og rekstrar sem félagið annast.
II. kafli
Fjárhagsgrundvöllur félagsins.
5. gr.
Félaginu skal aflað fjár sem hér segir:
a. Með árgjaldi til félagsins sem ákveðið skal á aðalfundi samkvæmt samþykktum þess.
- Með lánum frá Íbúðalánasjóði og/eða öðrum opinberum sjóðum
- Með lánum sem félagið aflar á almennum markaði.
- Með varasjóðstillagi af byggingarkostnaði hverrar íbúðar. Í varasjóð skal einnig greiða árlegt fjárframlag af óskiptum tekjum félagsins samkvæmt ákvörðun aðalfundar.
- Með inntökugjöldum félagsmanna sem leggjast í stofnsjóð félagsins.
- Með sértekjum til að standa straum af þjónustu til félagsmanna og annarra, samkvæmt gjaldskrá sem skal ákveðin af stjórn félagsins og kynnt á aðalfundi.
III. KAFLI
Réttindi og skyldur félagsmanna
6. gr.
Félagsmenn öðlast rétt til að fá keyptan búseturétt í þeirri röð sem þeir ganga í húsnæðissamvinnufélagið. Um félagsnúmer gilda sömu reglur og gilda um búseturétt samkvæmt 12. gr. Milli jafnrétthárra gildi hlutkesti. Þeir einir geta keypt búseturétt, sem eru fjárráða. Eigandi búseturéttar er að jafnaði einn nema um hjón sé að ræða eða einstaklinga sem hafa haft sameiginlegt heimilishald í a.m.k. tvö ár.
Búseta er óheimilt að veðsetja búseturétt sinn.
7. gr.
Búseturéttur veitir félagsmanni ótímabundinn afnotarétt yfir íbúð, enda brjóti hann ekki gegn samþykkum félagsins eða ákvæðum laga um húsnæðissamvinnufélög. Réttinn kaupa félagsmenn með ákveðnu framlagi sem er ákveðið hlutfall af verðmæti viðkomandi húsnæðis.
Endurgreiðsluverð búseturéttar skal vera upphaflegt kostnaðarverð en breytist í samræmi við lánskjaravísitölu, frá þeim degi er búseturéttarhafi keypti búseturéttinn til söludags. Frá skal dragast kostnaður við að bæta úr skemmdum eða ágöllum sem raktir verða til aðgerða eða aðgerðaleysis búseturéttarhafa samkvæmt mati eða samkomulagi.
Stjórn félagsins ákveður nánara verklag við verðákvörðun búseturéttar og sér um kaup og sölu á honum fyrir hönd félagsmanna sinna.
Búseturéttarhafi skal skila búsetuíbúð ásamt tilheyrandi fylgifé í sama ástandi og hann tók við henni. Ber búseturétthafi óskerta bótaábyrgð á allri rýrnun húsnæðis eða spjöllum á því að svo miklu leyti sem slíkt telst ekki eðlileg afleiðing venjulegrar eða umsaminnar notkunar húsnæðisins eða stafar af atvikum sem voru búseturéttarhafa sannanlega óviðkomandi.
8. gr.
Hver sá sem hefur fengið keyptan búseturétt skal
1. Nöfn, heimilisföng og kennitölur samningsaðila.
2. Greinargóð lýsing á húsnæðinu og afhendingartími þess.
3. Gildistími búsetusamnings og upphæð búsetugjalds.
4. Ráðstöfun búseturéttar.
5. Búsetugjald og ákvörðun þess og fyrirvari varðandi breytingar.
6. Hvar og hvernig skuli greiða búsetugjaldið.
7. Réttindi og skyldur búseturéttarhafa.
8. Réttindi og skyldur húsnæðissamvinnufélagsins.
9. Dagsetning úttektaryfirlýsingar sem er þá hluti af samningnum.
10. Sérákvæði ef um þau er samið og lög heimila.
“Búsetusamningi skal þinglýsa sem kvöð á viðkomandi íbúð.”
9. gr.
Félagsmaður sem keypt hefur búseturétt skal fá húsnæði afhent í góðu ástandi miðað við aldur og gerð húsnæðisins. Stjórn félagsins setur nánari reglur um afhendingu og mat á ástandi eigna og uppgjör milli aðila eins og það er tilgreint í búsetusamningi.
Við upphaf og lok búsetusamnings skal fara fram úttekt á búsetuíbúð ef búseturéttarhafi óskar þess. Á sérstaka úttektaryfirlýsingu sem félagið leggur til skal þá skrá sem ítarlegasta lýsingu á búsetuíbúð og ástandi hennar og skal búseturéttarhafi þá innan viku frá því lýsingin er gerð koma athugasemdum sínum á framfæri og á rétt á að kalla þá strax eftir úrbótum kjósi hann það.
Úttekt skal gerð í tvíriti og skulu aðilar búsetusamnings undirrita hana og halda einu eintaki hvor. Úttektaryfirlýsinguna skal leggja til grundvallar ef ágreiningur verður um bótaskyldu búseturéttarhafa við skil húsnæðisins. Úttektaryfirlýsingin er þá hluti af búsetusamningi.
10. gr.
Búseturéttarhafa er skylt að fara vel með húsnæðið og í samræmi við umsamin afnot þess.
Búseturéttarhafa er skylt að annast á sinn kostnað almenntviðhald á íbúð sinni, svo sem á gólf- og veggefnum, tréverki, innréttingum, hurðum, hreinlætistækjum, raftækjum og eldavél og annast kostnað við endurnýjun og viðhald á læsingum, vatnskrönum, raftenglum, rafmagnsinnstungum, blöndunartækjum og öðru smálegu.
Kostnaður við endurnýjun á gólf- og veggefnum, innréttingum, tréverki, hurðum, rúðum, hreinlætistækjum, raftækjum og eldavél skal greiðast úr sjóðum félagsins samkvæmt áætlunum og nánari reglum sem stjórn félagsins setur. Reglur um skiptingu viðhaldsþátta skulu kynntar búseturéttarhafa við gerð búsetusamnings og áréttaðar árlega á aðalfundi.
Verði húsnæðið eða fylgifé þess fyrir tjóni af völdum búseturéttarhafa, heimilismanna eða annara manna sem rétthafinn hefur leyft afnot af húsnæðinu eða umgang um það skal búsetréttarhafi
Félagið skal kaupa húseigendatryggingu sem skal innifalin í búsetugjaldi.
Í búsetusamningi er heimilt að víkja frá reglum um skiftingu kostnaðar vegna viðhalds og endurnýjunar samkvæmt 2. og 3.mgr., enda séu slík frávik skilmerkilega greind í búsetusamningi.
Stjórn félagsins setur nánari reglur um framkvæmd þessarar greinar.
11. gr.
Búseturéttarhafa er heimilt að
Félagið skal sjá um að stofnuð verði búsetufélög í samræmi við IV. kafla laga um húsnæðissamvinnufélög nr. 66/2003. Í samráði við búsetufélög sér félagið um bókhald þeirra, uppgjör, innheimtu gjalda vegna hússjóðs og önnur þau verkefni er undir félögin falla samkvæmt samþykktum félagsins og lögum um húsnæðissamvinnufélög. Með sama hætti fer félagið með verkefni lóðafélaga.
Lög um fjöleignahús gilda í þeim tilvikum er félagið á ekki allar íbúðir fjöleignahúss. Í þeim tilvikum er félagið aðili að viðkomandi húsfélagi en getur falið búsetum að taka þátt í störfum húsfélags með skriflegu umboði er framvísað skal á húsfélagsfundum. Búseti hefur ekki í skjóli slíks umboðs tillögu- eða atkvæðisrétt á fundum húsfélags að því er snýr að rekstri og fjárhaglegum málefnum.
Komi upp ágreiningsefn milli húsnæðissamvinnufélagsins og einstakra búseta skal leitast við að leysa þau með samkomulagi innan félagsins.
13.gr.
Húsnæðissamvinnufélagið heimilar að réttur til afnota af íbúð færist yfir til maka við andlát félagsmanns, hjónaskilnað, kaupmála milli hjóna eða setu í óskiptu búi. Skal sækja um slíka yfirfærslu skriflega og tilgreina aðstæður.
Sá sem eignast búseturétt við skipti á búi, eða á annan hátt, samkvæmt ákvæðum þessarrar greinar verður félagsmaður í húsnæðissamvinnufélaginu - enda uppfylli hann skilyrði sem við eiga, notfæri sér réttinn og búi í íbúð hjá félaginu og fullnægi auk þess ákvæðum 3. gr. þessara samþykkta.
Réttindi og skyldur húsnæðissamvinnufélagsins við kaup og sölu á búseturétti sem falur er, skulu skilgreind í búsetusamningi.
14. gr.
Félagsmaður getur sagt sig úr félaginu og segir þá upp búsetu sinni og sér þá húsnæðissamvinnufélagið um sölu á búseturéttinum. Úrsögn skal vera skrifleg og tekur gildi við flutning eða sex mánuðum eftir uppsögn. Stjórn félagsins staðfestir nánari vinnureglur um framkvæmd þessarrar greinar.
15. gr.
Úr félaginu má vísa hverjum þeim sem gerist brotlegur við nánar tiltekin ákvæði samþykkta eða reglugerða félagsins, viðhefur sviksamlegt athæfi gagnvart félaginu eða veldur félaginu verulegu tjóni.
Stjórnin setur reglur í samræmi við þessi ákvæði og taka þær gildi að fengnu samþykki félagsfundar. Brottrekstur skal ákveðinn af stjórn að undangenginni viðvörun og samkomulagsumleitan. Viðkomandi félagsmaður getur þó áfrýjað málinu til aðalfundar.
Félagsmaður sem ekki hefur greitt árgjald í tvö ár og ekki hefur sinnt ítrekunum vegna þess skal strikaður af félagaskrá. Til að fara með full réttindi á aðalfundi félagsins skal félagsmaður hafa greitt árgjöld síðasta árs og nýir félagsmenn skulu hafa greitt eitt árgjald - auk inngöngugjalds samkvæmt ákvörðun aðalfundar.
16.gr.
Dýrahald í búsetuíbúðum og öðru húsnæði félagsins er unnt að heimila sé sótt skriflega um slíkt leyfi til stjórnar félagsins .
Stjórn félagsins skal setja reglur um takmarkaðar heimildir til dýrahalds og getur krafist þess að þeir sem fái slíkt leyfi uppfylli skilyrði sem félagið telur nauðsynleg, vottorð um tilskilin leyfi yfirvalda, tryggingu eða ábyrgð vegna kostnaðar sem leiða kann af veru dýrsins í íbúð og fleira sem stjórn telur nauðsynlegt að setja í slíkar reglur.
IV. KAFLI
Félagsstjórn og fundir.
17. gr.
Aðalfund félagsins skal halda ár hvert fyrir lok júní. Á dagskrá aðalfundar skulu vera eftirtalin mál:
1. Skýrsla stjórnar fyrir liðið starfsár.
- Endurskoðaðir reikningar til afgreiðslu.
- Tillögur til breytinga á samþykktum félagsins.
- Kosning formanns til tveggja ára (annað hvort ár).
- Kosning tveggja stjórnarmanna til tveggja ára.
- Kosning 5 varamanna í stjórn til eins árs.
- Kosning endurskoðunarfélags/löggilts endurskoðanda
- Kosning í aðrar nefndir og ráð.
- Ákvörðun um inntökugjald og árgjald.
- Ákvörðun gjalds í viðhaldssjóð.
- Kynning á leigulíkani, rekstraráætlunum og gjaldskrá félagsins
- Önnur mál.
Aðalfundurinn fer með æðsta vald í málefnum félagsins og getur einn breytt samþykktum þess.
Aðalfundur er lögmætur ef hann hefur verið boðaður samkvæmt samþykktum félagsins. Aðalfund og alla almenna félagsfundi skal boða með tilgreindri dagskrá í fréttabréfi/ dagblaði eða á annan fullnægjandi hátt minnst sjö dögum fyrir tilgreinda fundartíma.
Stjórn félagsins skipa fimm menn auk fimm varamanna. Stjórnin kýs varaformann á fyrsta fundi eftir aðalfund. Verði varamenn sjálfkjörnir og ekki boðnir fram í tiltekinni röð, ræður hlutkesti um röð þeirra.
Stjórn félagsins fer með málefni þess milli aðalfunda í samræmi við samþykktir þessar.
Á aðalfundi skal stjórn kynna stefnumótun sína og framtíðarsýn og árétta jafnframt allar gildandi vinnureglur og skilmála sem um starfsemi félagsins gilda og staðfestar eru af stjórn.
Sérstaklega ber stjórn að
18. gr.
Fjárhagsár félagsins er 1. janúar – 31. desember ár hvert.
19. gr.
Rétt til að rita félagið og skuldbinda það hafa þrír stjórnarmenn hið minnsta, formaður ásamt 2 stjórnarmönnum. Stjórnin ræður félaginu framkvæmdastjóra og veitir honum prókúruumboð.
Framkvæmdastjóri ræður félaginu starfsmenn og annast daglegan rekstur félagsins í samráði við stjórnina. Stjórnin getur veitt öðrum einstaklingum prókúruumboð fyrir hönd félagsins. Stjórnin getur skipað nefndir til að vinna að sérstökum verkefnum fyrir félagið.
Stjórnarfundi skal halda reglulega og eigi sjaldnar en sex sinnum á ári. Formaður boðar stjórnarfundi en meirihluti stjórnar getur krafist stjórnarfundar ef þurfa þykir.
Ákvarðanir stjórnarfunda eru því aðeins lögmætar að meirihluti stjórnar sé á fundi eða varamenn í þeirra stað í þeirri röð sem þeir eru kosnir. Heimilt er öðrum varamönnum að sitja stjórnarfundi, en án atkvæðisréttar ef þeir hafa ekki verið kallaðir í stað aðalmanna. Stjórn setur sérstakar starfsreglur sem kveða nánar á um skyldur stjórnarmann, ritun fundargerða og fleira
20.gr.
Framkvæmdaráð starfar í umboði stjórnar í samræmi við starfsreglur sem stjórn staðfestir.
Búseti á Norðurlandi framselur framkvæmdaráði hlutverk viðhaldsráðs samkvæmt lögum nr. 66/2003 um húsnæðissamvinnufélög.
Einnig starfar þróunarnefnd í umboði stjórnar samkvæmt sérstakri samþykkt þar um.
21.gr.
Stjórn boðar til almennra félagsfunda er hún telur ástæðu til. Einnig geta félagsmenn óskað eftir slíkum fundi og skulu þær óskir sendar skriflega til stjórnar og undirritaðar af minnst 20 félögum. Er stjórn skylt að verða við slíkri ósk og skal hún senda út fundarboð innan 14 daga frá því að ósk um fund barst stjórninni.
22. gr.
Heimilt er að stofna sérstakar deildir innan félagsins. Deildum skulu settar samþykktir og sérstakar starfsreglur sem skulu fá staðfestingu stjórnar áður en þær geta tekið gildi.
Verkefni deilda eru:
að hafa forystu um félagsstarf á deildarsvæðinu/búsetusvæði
að fylgjast með starfsemi félagsins, kynnir sér óskir félagsmanna um breytingar á henni og koma þeim á framfæri við félagsstjórn.
að starfa með félagsstjórn að undirbúningi framkvæmda á deildarsvæðinu/búsetusvæðinu.
23. gr.
Tillögur til breytinga á samþykktum þessum skulu vera skriflega og berast stjórn félagsins eigi síðar en þremur vikum fyrir aðalfund, og skal þeirra getið í fundarboði. Samþykki 2/3 fundarmanna þarf til breytinga á samþykktum.
Samþykktir félagsins, svo og breytingar á þeim, öðlast gildi að fenginni staðfestingu félagsmálaráðuneytis og skráningu hjá fyrirtækjaskrá ríkisskattstjóra..
V. KAFLI
Ýmis ákvæði
24. gr.
Félagið starfar samkvæmt ákvæðum laga og reglugerða um húsnæðismál, þ.m.t. lögum um húsnæðissamvinnufélög nr 66/2003, eftir því sem við á eftir lögum um samvinnufélög nr 22/1991.
Félagið er háð eftirliti með starfsemi sinni og afhendir ársreikninga og önnur gögn til Íbúðalánasjóðs og/eða annarra eftirlitsaðila skv. 40. grein laga nr.44/1998, sé eftir því kallað.
Um sameiningu við önnur félög svo og félagsslit fer eftir ákvæðum laga um samvinnufélög nr.22/1991.
25.gr.
Stjórn Búseta á Norðurlandi hsf. skal setja nánari reglur um starfsemi félagsins. Félagsmenn skulu kynna sér samþykktir félagsins svo og aðrar reglur sem í gildi eru á hverjum tíma. Stjórn skal birta samþykktir og reglur á heimasíðu félagsins og sjá til þess að þær séu jafnframt aðgengilegar á skrifstofu félagsins.
26.gr
Samþykktir þessar taka gildi um leið og félagsmálaráðuneytið hefur staðfest þær og fyrirtækjaskrá Ríkisskattstjóra hefur móttekið þær.
Samþykkt á aðalfundi Búseta á Norðurlandi hsf 3. október 2007.
Staðfest með bréfi félagsmálaráðuneytisins dags.22.11.2007
Í stjórn Búseta á Norðurlandi í nóvember 2007
_____________________________
___________________________ ____________________________ Ingvar Björnsson varaformaður Helgi Már Barðason
___________________________ ____________________________ Hrafn Hauksson Ingi Rúnar Eðvarðsson
