Samkvæmt reglum félagsins hafa einstakir búsetar stofnað til viðbótarframvkæmda í og við einstakar íbúðir félagsins. Oftast hefur það verið samhliða nýbyggingum og þá með viðskiptum við byggingaraðila. Aukið hefur verið við innréttingum og eldhústæki felld í innréttingar, vandaðri gólfefni hafa verið keypt - og byggðir sólpallar svo nokkuð sé nefnt. Ekki hefur verið gengið frá því fyrirfram hvernig slíkar framkvæmdir myndu verða gerðar upp þegar til sölu kæmi af hálfu viðkomandi búseta.
Á grundvelli reynslunnar taldi stjórn nauðsynlegt að setja viðmiðunarreglur (PDF-skjal) varðandi slíkt uppgjör þannig að auðveldara yrði að gæta jafnræðis milli félagsmanna.
Jafnframt hefur stjórn félagsins rætt um að gert verði upp fyrir samþykktar aukaframkvæmdir við alla búseta framvegis - samkvæmt sérstakri áætlun - og þá á næstu tveimur árum.
