Tilgangur húsnæðissamvinnufélaga er að eiga og reka svokallaðar
búseturéttaríbúðir. Búseturéttaríbúðir eru leiguíbúðir sem þeir
einir hafa rétt til sem eru félagsmenn í húsnæðissamvinnufélaginu. Félagið
starfar eftir lögum nr.66/2003.
Félagið á og rekur íbúðir á kostnaðarverði. Með greiðslu 10% stofnverðs eða markaðsverðs sem
búseturéttar - eignast félagsmenn aðgang að íbúðum félagsins. Mánaðargjald er svipað hóflegri leigu á
markaði. Búsetar í almennum íbúðum eiga rétt á vaxtabótum í samræmi við almennar reglur á hverjum tíma og
búsetar í félagslegum búseturéttaríbúðum eiga rétt á húsaleigubótum eins og þær ákvarðst
á hverju tímabili.
Það er staðfest stefna félagsins að fjölga íbúðum á Akureyri og í Norðurþingi - eftir því sem hagkvæmt reynist og samvinna tekst um við skipulagsyfirvöld. Einnig er staðfestur áhugi nokkurra sveitarfélaga á Norðausturlandi á því að félagið taki til starfa á fleiri stöðum.
Efnahagshrunið frá því haustið 2008 hefur leitt til þess að nauðsynlegt er að endurskoða alla stefnumörkun og áætlanir félagsins. Ekki er hins vegar mögulegt að sjá fyrir hvenær slík endurskoðuð stefna og áætlanir gætu tekið gildi - eða hvernig ástand efnahagsmála kann að þróast.
